WordPress Blogger Blog Me Admin Ko Add Change Delete Kaise Kare


WordPress aur blogger blog me kisi other admin ko add, change, aur delete karne ki poori jankari – apne blog website ko kisi doosri email id par register karke, login detail ko change karna ho. Ya apni site me kisi other person ko admin banana ho. Eske liye hame new admin ko add karna padta hai. WordPress ke self hosted platform aur blogger ke free platform par banaye gaye blog website me admin ko add karna, change karna, aur delete karna bahut hi easy hai.

Wordpress Blogger Blog Me Admin Ko Add Change Delete Kaise Kare

2-4 steps karke hi ham admin ko add change aur delete kar sakte hai. es post me mai aapko aaj esi ke bare me complete information provide karunga. Kyuki agar ham ek blog banakar blogging karte hai, to hame admin ko change karna bhi aana chahiye. Eski zaroorat hame kabhi bhi pad sakti hai.




Socho, agar kisi ko hamare login email address aur password ka pata chal gaya to wo hamare blog ke sath kuchh bhi behave kar sakta hai. eske liye hame apni old email id ko change karke apne blog par new email address ko verify karke new admin ko add karna padta hai.

Doosri baat agar ham ek wordpress platform par banaye gaye blog ko run kar rahe hai, to hamko wordpress ko cpanel par install karne ke baad jab apne wordpress blog dashboard me login karna padta hai, to hame wahan ek by default admin name milta hai, jisko hame change karna zaroori hota hai. security reason ke lihaz se aisa karna better hota hai.

To agar aap kisi bhi wajha se apne blog website ke admin ko add change aur delete nahi kar pa rahe hai. to es post ko carefully read karte rahe. Aage ham janege ki wordpress aur blogger blog me admin ko add change aur delete kaise karte hai.

WordPress Blog Me Admin Ko Add Change Aur Delete Kaise Kare

Self hosted platform wordpress.org par banaye gaye blog me admin ko add change ya delete karne ke liye hame sabse pehle apne wordpress dashboard me sign in karna hoga. Sigin karte hi ham dashboard me pahunch jayege. Dashboard par hame left sidebar me ‘user’ ka option show hoga.



Step 1. WordPress blog me new user ko add kaise kare

Hame apne mouse ke cursor ko sabse pehle ‘users’ ke option par le jakar ‘add new’ ke option par click karna hoga. Click karte hi ‘add new user’ ka ek form open hoga.

Step 2. WordPress blog me New admin ko add kaise kare

  1. Username ke box me ek strong username ko enter kare.
  2. Email ke box me new admin ke email address ko enter kare.
  3. First name ke box me apne name ka first name ko enter kare.
  4. Last name ke box me apne name ka last name ko enter kare.
  5. Website ke box me apne blog website ke name ko enter kare.
  6. Password ke samne show password ke button par click karke, ek strong password type kare. Jisko koei guess na kar sake.
  7. Send user notification ke samne ‘send the new user and email about the account’ ke box me click kare.
  8. Role me administrator ko select kare.
  9. All details ko fill karke add new user ke button par click karde.

Add new user ke button par click karte hi hamare blog me new admin add ho jayega. ab hame apne wordpress blog ko logout karna hai. aur return login page par jakar new admin ke detail ko fill karke wordpress dashboard me login karna hai.

Jab ham new admin ke email ya username aur password ko enter karke dashboard me login karenge, to hame ab old admin ko delete karne ke liye, dashboard par left sidebar me ‘users’ ke option par click karna hoga.

Step 3. WordPress blog me Old admin ko delete kaise kare

  1. WordPress dashboard par users ke option par click kare. Ab hame yahan par do administrator show honge.
  2. Old administrator ko delete karne ke liye ous par mouse ke cursor ko le jaye. Mouse ke cursor ko old admin ke name par le jate hi hame edit aur delete ke options show hone lagenge. Delete ke button par click karke ham easily old admin ko delete kar sakte hai.

Agar old admin ne blog website par kuchh posts share ki hoei hai, to admin ke delete hone se pehle confirm deletion ka ek page open hoga. Es page par hame ‘attribute all content to xyz’ ko select karke ‘confirm deletion’ ke button par click karna hoga.

Aisa karne se old admin to delete ho jayega. par ouske share kiye gaye post delete nahi honge. Aur old administrator ke sabhi post new administrator ke name se show hone lagege.

Blogger Blogspot Blog Me Admin Ko Add Change Aur Delete Kaise Kare

Google ke free platform blogger.com par banaye gaye blog me admin ko add change aur delete karne ke liye hame sabse pehle blogger ki webisite par visit karke apne google account se login karna hoga. Login karne ke baad hame jis blog ke admin ko change karna hai, ouske dashboard me jana hoga.

Step 1. Blogger Blogspot blog me new admin ko add kaise kare

  1. Sabse pehle blogger blogspot blog ke dashboard par left sidebar me settings ke option par click kare. Settings ke option par click karte hi ham basic setting ke page par automatically pahunch jayenge. Ab Scroll bar ko down karke basic setting ke page par sabse neeche aaye.
  2. +add author ke option par click kare. Add author ke option par click karte hi neeche ek box open hoga.
  3. Es box me new admin ke email address ko enter kare. Jisko hame admin banana hai.
  4. All details ko fill karne ke baad invite authors ke button par click karde.

Invite authors ke button par click karte hi new admin ke email address par ‘you have been invited to contribute to xyz’ ke jaisa ek email receive hoga. Jis ko open karne par ‘accept invitation’ ka button show hoga.

Accept invitation ke button par click karte hi new page par hame blogger blogspto me sign in hone ke liye kaha jayega. es page par hame ‘sign in’ ke button par click karna hoga.

Sign in ke button par click karte hi ham blogger me sign in ho jayegne. Ab hame phir ‘accept invitation’ ka button show hoga. Hame es par click karna hoga. Click karte hi new author blog me add ho jayega.

Es new author ko admin banane ke liye hame return apne pehle gmail account se blogger me sign in hokar blog ki basic setting me jana hoga.

Step 2. Blogger blog me old admin ko delete kaise kare

  1. Blog dashboard me show ho rahe settings ke option par click kare. Aur basic setting ke page par scroll bar ko down karke sabse neeche aaye.
  2. Blog authors ke samne hame 2 author show honge. New author ke samne hame ‘author’ likha huwa show hoga. Arrow par click karke hame admin ke option ko select karna hai. new author ke samne admin ko select karte hi ab blogger blog ke 2 admin ban jayege. Aur dono ke aage hame ab cross ka ek mark show hone lagega.
  3. Ham jis admin ko bhi blog se delete karna chahte hai. cross ke mark par click karke easily remove kar sakte hai.

To ye thih blog website ke admin ko add, change aur delete karne ki information. Agar aap ko koi problem aay to comment box me apni problems ko hamare sath zaroor share kare.

I hope, es post ko read karne ke baad aap ko administrator ko add change aur delete karne me koei problem nahi aayegi. Kyuki aap es post ko padh ka jaan hi gaye honge ki wordpress aur blogger blogspot blog website me admin ko add change aur delete kaise karte hai.



Maximum bloggers en do platform par hi blog website banakar blogging karte hai. aur en par admin ko add change aur delete karne ki zaroorat hame kabhi bhi pad sakti hai. esliye hame eske bare me knowledge hona zaroori hai.

You may also like...

Add a Comment

Your email address will not be published. Required fields are marked *