WordPress Aur Blogger Blog Ka Backup Kaise Le Ya Backup Data Download Kaise Kare


Wordpress aur blogger blog ka backup lene aur backup data download karne ki jankari – blogging me success hone ke liye hame bahut hard work karna padta hai, bahut achchhi achchhi aur unique post likhni padti hai, ouske baad hi hame safalta milti hai. aur ham ek successful blogger bante hai. Lekin agar hamar blog kisi wajhah se delete ho jaye, ya koei hacker hamare blog ko hack karke ouska sare content ko permanently delete karde to hamara career barbaad ho sakta hai.

Wordpress Aur Blogger Blog Ka Backup Kaise Le Ya Backup Data Download Kaise Kare

Bahut se bloggers ke sath aisa huwa bhi hai, ounhone din raat mehnat karke helpful aur unique content likhkar apne blog par share kiya. Jab ounka blog khoob popular ho gaya to kuchh hackers ne ounke blog ko hack karke sare data ko permanently delete kar diya.

Eski wajah se bloggers ki sari mehnat bekar ho gaei. Aur ounka blogging career bhi tabah ho gaya. Ounme se kuchh ne to blogging karna hi band kar diya. Aur kuchh blogger, jo hamesha sabse aage huwa karte theh, aaj bahut peechee reh gaye. Kyuki ounhe apne blog ko doobara se start karne me bahut time  laga. Aur sari post doobar se likhkar apne blog par share karni padi. Tab tak ounse aage aur bahut sare bloggers nikal gaye.

Lekin en sab cheezo se bachne ka bhi ek tarika hai. phir chahe hamara poora blog delete ho jaye ya hamare blog ko hack karke koeil hacker hamare blog ke sabhi content ko permanently delte karde. Ham par koei fark nahi pad sakta. Kuchh thodi der me hi apne blog ko phir se pehle jaisa kar sakte hai.

Eske liye hame apne blog ka regular backup lena padega. Mai 7 days me 1 baar apne blog ka backup zaroor leta hun, aur ouse apne personal memory card me save karke rakhta hun.

Agar aap bhi blogger ya wordpress platform par blog banakar blogging karte hai. aur apen blog ka backup data ko download karna nahi jante to es post ko carefully padhe. Kyuki es post me ham janenge ki wordpress aur blogger blog ka backup kaise lete hai, ya backup data ko apne computer me download kaise karte hai.

Blogger blog ka backup kaise le ya backup data download kaise kare

Blogger blogspot platform par banaye gaye blog ka backup lene ke leye ya backup data ko apne computer me download karne ke liye hame sabse pehle blogger.com me sign in karke apne blog ke dashboard par jana hoga.

Step 1. Setting > other

  1. Blog dashboard par hame setting ke option par click karna hoga.
  2. Ab ‘other’ option par click karna hoga.Other option par click karte hi, other setting ka page open hoga.
  3. Es page par hame ‘back up content’ ke button par click karna hoga.

Back up content ke button par click karne ke baad ek popup window open hogi.

Step 2. Back up content

Es popup window me hame ‘save to your computer ke button par clcik karna hoga.

Save to your computer ke button par click karte hi hamare blog ka backup data download hona start ho jayega. Downloading time hamare blog ke size par depend karega. Blog ka data size jitna zyada hoga. Data download hone me outna hi zyada time lagaega.

Kuch hi der me hamare blog ka backup data hamare computer me download ho jayega. Jise ham apne computer ke download folder me dekh sakte hai. ye data ek xml file ke roop me show hoga.

WordPress blog ka backup kaise le ya backup data download kaise kare

WordPress.org platform par banaye gaye blog ka backup lene ya backup data ko apne computer me download karne ke liye hame sabse pehle wordpress blog me sign in karke apne blog dashboard par jana hoga.

Step 1. Updraftplus wordpress backup plugin

WordPress dashboard par pahunchkar hame sabse pehle “updraftplus wordpress backup plugin” ko install karke active karna hoga.

Step 2. Setting > updraftplus backup

  1. Ab hame wordpress dashboard par setting ke option par apne mouse ke cursor ko le jana hoga.
  2. Aur ‘updraftplus backup’ ke option par click karna hoga.

Updraft plus backup ke option par click karte hi, updraftplus wordpress backup plugin ka setting page open hoga.

Step 3. Updraftplus wordpress backup plugin setting

  1. Es page par hame sabse pehle ‘current status’ ke option par click karna hoga.
  2. Ab hame ‘backup now’ ke button par click karna hoga.

Backu now ke button par click karte hi ek popup window open hogi.

Step 4. Updaraftplus – perform a one time backup

  1. Es popup window me hame ‘include the database in the backup’ aur ‘include any files in the backup’ ke samne wale box me click karna hoga.
  2. Ab hame backup now ke button par click karna hoga.

Step 5. Backup in progress

Backup now ke button par click karte hi backup  file create honi start ho jayegi.

Step 6. Existing backups

  1. Backup file create hone ke baad, ab hame ‘existing backups’ ke option par click karna hoga.
  2. Hamne jis din aur jis time backup file ko create kiya hai, yahan wo time show hoga.
  3. Jo jo file create hoei hai, aur jin jin file ka bacups ko ham download karke ham apne computer me save kar sakte hai, ounke naam yahan show honge. For example – database, plugins, themes, uploads, aur others. Hame enka data backup ko ek ek karke apne computer me download karna hoga.
  4. Agar hame database ka backup data ko download karna hoga, to sabse pehle hame eske name par click karna hoga.

Step 7. Download to your computer

Database ke option par click karte hi ‘download to your computer’ ka option show hoga. Download to your computer ke button par click karte hi database ka backup data download hona start ho jayega.

Es tarah se ham plugins, themes, uploads aur others ke option par click karke, inka bhi backup data ko apne computer me download kar sakte hai.

Blog website ka backup lene ya backup data ko download karke apne computer me save karne ke fayde kya hai

Future ke baare me koei insan nahi janta ki kis insan ke sath kya hone wala hai. esliye safety baratna zaroori hai. agar ham blogging me career banane ko lekar serious hai, to hame apne blog website ka regular backup data ko download karke apne computer ya personal pen drive me save karke rakhna bahut zaroori hai.

Future me hamare blog ka zara bhi content kisi bhi wajah se delete ho jaye to hame apne backup data ko restore karke apne blog website ko kuchh hi der me  phir se pehle jaise kar sakte hai.

Ek baat aur yaad rakhe. Apne blog website ke backup data ko apne computer me download karke save karne ke alawa cloud storage jaise google drive, box, dropbox, mega, one drive, icloud, aur pcloud aadi par bhi zaroor save karke rakhe. Kyuki computer aur pen drive bhi kabhi bhi kharab ho sakte hai. cloud storage par save data ko ham kabhi bhi aur kahin bhi download karke apne computer ya memory me save kar sakte hai.

I hope, es post ko read karne ke baad aap jan gaye honge ki wordpress aur blogger blog ka backup kaise lete hai ya backup data ko download karke apne computer ya pen drive me save kaise karte hai. aur backup data ko download karne ke kya fayde hote hai.

Related Posts:

Hi, Everybody. Helpful Smart Book Me Aapka Swagat Hai. Mera Naam Mohd Zakaria Hai. Mai Uttar Pradesh, India Me Rehta Hun. Helpful Smart Book Par Mai Internet, Technology, Social Media, Blogging, Make Money Online, Aur Education, Aadi… Se Related Important Information  Share Karta Rehta Hun. Es Site Par Visit Karke Aap Apni Knowledge Badha Sakte Hai, Aur Bahut Sari Problems Ka Solution Bhi Pa Sakte Hai. Agar Aap ko Post Pasand Aaye, To Please Share Zaroor Kare.

1 thought on “WordPress Aur Blogger Blog Ka Backup Kaise Le Ya Backup Data Download Kaise Kare”

  1. Sir free wali online wordpress per website banayi hui hai..usme koi bhi plugin install nhi hota hai…qki install se pahle upgrade ka option aata hai to…ab bina upgrade karen backup kaise le ???

Leave a Comment