Blogging Ke Fayde Kya Kya Hai Blogging Benefits Ki Jankari


Blogging ke fayde (benefits) ki poori jankari – Adhiktar log yahi samajhte hai ki blogging sirf paise kamane ke liye hi karni chahiye. But ye galat soch hai. Blogging karne se hame aur bhi kaei fayde mil sakte hai. Es post me mai aap ke sath bahut hi simple shabdo me blogging se hone wale fayde ki information ko share karunga. Jiske baad aap bhi jaan jayege ki blogging se paise kamane ke alawa hame aur bhi kya kya benefits mil sakte hai. agar aap blogging ke baare me detail se janna chahte hai to ye post padhe – blogging kya hai, es ko start kaise kare.

Blogging Ke Fayde Kya Kya Hai Blogging Benefits Ki Jankari

Blogging Ke Fayde Kya Kya Hai

Blogging karne ke nuksan bahut kam aur fayde bahut zyada hai. Lekin agar ese sahi use kiya jaye to fir fayde hi fayde hai. Kyuki iske through ham naam aur paisa dono kama sakte hai. Adhiktar bloggers en 2 kaam ke liye hi blog banakar isko karte hai.

But, eske alawa bhi blogging karne ke bahut fayde hote hai. Jaise jaise ham apni es journey ko aage badhate rehte hai, waise waise hame iske fayde bhi nazar aate rehte hai. Esko karne ke jo bhi benefits hame mil sakte hai, unme se kuchh benefits ko mai neeche share kar raha hun.

Paise kama sakte hai

Rozana na jane kitne bloggers apna blog banakar blogging karna start karte hai. Lekin adhiktar blogger knowledge na hone ke karan, apna blog zyada din tak nahi chala pate. Bahut kam log hi es field me success hote hai. Aur jo log success ho jate hai, unko blogging se bahut faide hota hai.

Jinme se subse bada fayda ye hota hai ki ham blogging karke online income kar sakte hai. kisi blogger ke duwara blogging karne par jab uska blog famous ho jata hai, aur uske blog par achha tariff aane lagta hai. To wo ensan apne blog par advertisement dikha kar paise bhi kama sakta hai. Ye blog aur blogging ka sabse bada faida hai. Maximum esi kaam ke liye blogs banaye jate hai.

Writing me sudhar kar sakte hai

jab ham apne blog par koi post share karte hai. To kuchh log us par comment bhi karte hai. Un comments me log hamare post ki khoobiya aur kamiya batate hai. Khoobiya padh kar hamare andar aur achchhe achchhe post likhne ka josh paida hota hai. Aur kamiya padh kar hame apne blog ki kamiyo ka pata chal jata hai.

Jin par hamara dhiyan nahi jata, we bate hame comments ke duwara pata chal jati hai. Jinko dhiyan me rakhkar aage blogging karne me sudhar kiya ja sakta hai.

Jo smart writer hote hai. We hamesha kuchh na kuchh seekhne ki koshish karte rehte hai. Kyuki ham sab jante hai ki seekhne ki koi age nahi hoti. Ham kisi bhi age ke ho ya kitne bhi bade doctor, engineer, writer aadi ho. Kisi bhi field me ham complete knowledge hasil nahi kar sakte.

Es world me ek se badhkar ek experts moujood hai. Sabke paas different knowledge hoti hai. But koi bhi apne aap ko complete experience holder nahi keh sakta. Intelligent person wahi hota hai jo daily kuchh na kuchh new seekhne aur seekhane ki koshishi karta rehta hai.

New post likhne ka topic pa sakte hai

Ham jab blogging karte hai to hame apne blog par daily kuchh na kuchh kisi na kisi topic par post likh kar share karni padti hai. But, jab ham apne blog par kafi sari posts share kar chuke hote hai to fir hame aisa lagta hai ki hamne jis topic ki knowledge share karne ke liye apna blog banaya hai, ham ousse related sabhi post likh kar share kar chuke hai.

Lekin jab hamari nazar post par aaei comments par jati hai, to ham dekhte hai ki readers ab bhi hamse bahut question poochh rahe hai. Eska main reason ye hota hai ki ya to hamne apni post me complete information nahi di hai, ya hamne readers ke question se related post apne blog par abhi tak share nahi ki hai.

En comments se hame ye fayda hota hai ki hame new post likhne ka topic mil jata hai. Ham jane anjane me bahut si post apne blog par share nahi kar pate ya apni post me kuchh information dene se chook jate hai, to eska pata hame comments ke through readers bata dete hai. Jis ke baad ham ek new post tayyar kar sakte hai.

Popularity aur respect pa sakte hai

Blog banane ke baad ous par ham kisi topic par jo posts share karte hai, To we post readers ko search engine me tab show hoti hai. Jab readers hamari post se related words google me likh kar search karenge. Aur aisa koi insan tab hi karta hai jab ouse koi information leni hoti hai.

Agar hamari post me good information hai aur wo seo friendly bhi hai, to hamari post search engine me 1st page par show hogi. Jis par click karke readers hamari post ko open kar carefully read karenge. Agar hamari posts me complete information hoei aur reader ko kuchh knowledge mili to wo hamare blog ki aur posts bhi read karne ke liye ous par daily visit karega.

Wo hamari posts social networking sites par share bhi karega, jis se dusre log bhi hamare blog par visit karenge. Es ki wajah se blog ki rank increase hogi. Aur blog admin ka naam world me roshan hoga

 

Simple words me kahun to jab koi blogger apne blog par aisi posts share karta hai, Jo logo ke liye helpful sabhit hoti hai. To uski wajah se writer ka bahut naam hota hai, aur writer ko bahut respect milti hai. Log aise writer ke blog par bar bar visit karte hai. Jisse us writer ka blog bahut jaldi ek achchhi rank pa leta hai.

Ye theh blogging se hone wale kuchh important benefits. Lekin enke alawa bhi blogging karne ke bahut fayde hote hai. jab ham blogging ki duniya me chale enter kar jate hai, aur esko sahi tarike se karte hai. tab hame eske aneko fayde nazar aate hai.

Related Posts:

Hi, Everybody. Helpful Smart Book Me Aapka Swagat Hai. Mera Naam Mohd Zakaria Hai. Mai Uttar Pradesh, India Me Rehta Hun. Helpful Smart Book Par Mai Internet, Technology, Social Media, Blogging, Make Money Online, Aur Education, Aadi… Se Related Important Information  Share Karta Rehta Hun. Es Site Par Visit Karke Aap Apni Knowledge Badha Sakte Hai, Aur Bahut Sari Problems Ka Solution Bhi Pa Sakte Hai. Agar Aap ko Post Pasand Aaye, To Please Share Zaroor Kare.

3 Comments on “Blogging Ke Fayde Kya Kya Hai Blogging Benefits Ki Jankari

  1. hey sir yee to bahat achha article hey lekin mera ek problem hey…mey apni website ko non-www se www mey kaise convert karu

Leave a Comment