Blogging Kya Hoti Hai Blog Par Blogging Start Kaise Kare


Blogging ki aur es ko start karne ki poori jankari – blogging ek aisa word hai, jiske baare me bahut log jante hai aur bahut log janna bhi chahte hai. Kyuki es ki wajah se log bahut naam aur paisa kama rahe hai. Esliye bahut log es field me aane ki koshish karte hai. Lekin complete information na hone ki wajah se we es field me success nahi ho pate, aur kuchh hi dino ke baad jo esse apna mooh mood lete hai.

Blogging Kya Hoti Hai Blog Par Blogging Start Kaise Kare

Esliye blogging ki duniya me kadam rakhne se pehle hame eski knowledge ka hona zaroori hota hai. Complete knowledge na bhi ho to koei baat nahi. Lekin kisi bhi kaam ko start karne se pehle ouski basic information ka hona to zaroori hi hota hai. Phir Kaam ko start karne ke baad dheere dheere ham roz kuch na kuchh new seekhte rehte hai, aur hamara experience badhta rehta hai.

Blogging kya hoti hai

Jab ham apna koei blog bana lete hai, tab hame ous par kuchh posts share karni padti hai. Jisme ham apne kuchh experience, thoughts, knowledge, aur tips and tricks aadi ko ek post me likhkar public ke sath share karte rehte hai. Bas, hamari yahi work blogging kehlata hai.

Aaj all world me lakho log ghar bethe hi eske through apne dil ki baat doosre logo tak pahuncha rahe hai. Ab ye logo ke jiwan ka ek hissa ban chuki hai. Kuchh naam kamane ke liye to kuchh log paise kamane ke liye blogging kar rahe hai. Bahut log esko apna career bhi bana chuke hai, aur lakho rupees kama rahe hai.

En bloggers ko dekhkar maximum new bloggers yahi samajhte hai ki blogging sirf paise kamane ke liye hi hai. Lekin aisa bilkul nahi hai. Income hone ke sath sath eske aur bhi bahut sare fayde hote hai.

Bloggin karke ham logo ke sath knowledge ko share kar sakte hai, jis ki wajah se hame bhi daily kuchh na kuchh naya seekhne ko mil sakta hai. Blog readers ki adwise jankar blogging ki kamiyo ko door kar sakte hai. Blog par achchhi achchhi post share karke popularity aur respect pa sakte hai.

Lekin ye sab benefits hame easily prapt nahi hote. Kyuki blog banana jitna aasaan kaam hota hai, blog par  blogging karna outna aasaan kaam nahi hota. Es ke liye hame kadi mehnat aur lagan ki zaroorat hoti hai.

Waise to blogging karne ke liye hame kisi khaas digree ki zaroorat nahi hoti, lekin jis topic par ham ese kar rahe hai, ous topic par hame sahi aur complete knowledge ka hona zaroori hota hai.

Kyuki posts me sahi aur poori knowledge share karke hi ham apne blog par readers ki sankhya increase kar sakte hai. Galat ya aadhi adhoori information share karne se na to hamare blog par readers aa payenge, aur na hi hamari post search engine me show hogi. Esliye aisa karne se hamari mehnat bekar hi jayegi.

Blogging start kaise kare

Experience holder bloggers ki blog se ho rahi moti kamaei ko dekhkar rozana hazaro log apna apna blog bana lete hai. Koei blogger ke free platform par apna blog banata hai, to koei domain name aur webhosting khareedkar wordpress ke paid platform par apna blog banata hai.

Lekin mere hisab se blogging ki starting me hi domain name aur webhosting ko khareedkar wordpress.org platform par blog banana theek nahi hai. Kyunki jab ham blogging ki duniya me kadam rakhte hai. To hame bahut kuchh seekhne ki zaroorat hoti hai.

Post publish kaise karte hai. Image ko post ke beech me insert kaise karte hai. Link aur code ko post ke beech me add kaise karte hai. Lable, category, tags aadi ko post me add kaise karte hai. Post ko seo friendly kaise banate hai. Search engine me post ko jaldi show hone ke liye kya kya karte hai. Blog ko kin kin webmaster tool me submit karte hai. Koun koun se page banakar blog me add karte hai. Blog me template, theme, plugin aur widget aadi ko kaise add karte hai. Blog par coding kaise karte hai. Successful blogger kaise bante hai.

Aise hi bahut se sawal aur bhi hai, jo blogging ki starting me hame bahut pareshan karte hai. Enko seekhne aur samajhne me hame kafi time lag jata hai. Ham blog par jitna time bitayenge, aur jitni lagan ke sath blogging karenge. Outni hi jaldi hame eske sabhi steps aa jayenge.

Blogging ka shuruaati time bahut boriyat bhara hota hai, jisme hame new new pareshaneyo ka samna karna padta rehta hai. En pareshaniyo ke chalte kuchchh new bloggers ke sir se blogging ka nasha kuchh hi dino me outar jata hai. Agar ounhone domain name aur web hosting khareekar apna blog banaya hota hai, to ounke paiso ka bhi nuksan ho jata hai.

Esliye blogging ki starting hamesha kisi free platform se hi karni chahiye. Eske liye google ka blogger platform sabse best hai. Kyunki yahan par hame subdomain name, web hosting, bendwidth, aur disk space aadi ke sath bahut kuchh free me milta hai.

Jinka use karke ham ek blog banakar ous par sare experiments kar sakte hai, aur phir blogging ke baare me bahut kuchh jaan sakte hai. Jiske baad hame future me kisi other platform par apna blog banana pade to hame koei pareshani nahi aayegi. Aur yadi kisi wajah se blogging ko beech me hi chhodna pade to hame paiso ka bhi koei nuksan nahi hoga.

Blogging start karte time kya kya dhiyan rakhe

  • Domain name aur webhosting ko starting me hi na khareede.
  • Internet par blogging se related article read kare.
  • Blogger platform par blog banakar kuchh din seekhe.
  • Koei bhi pareshani aane par apne senier ki adwise zaroor le.
  • Free blog par zyada se zyada experiments karne ki koshish kare.
  • Jab tak experience na ho jaye, kisi bhi cheez ke liye money invest na kare.

Finally, es post me hamne jana ki blogging kya hoti hai. Aur blogging start kaise karte hai.

Related Posts:

Hi, Everybody. Helpful Smart Book Me Aapka Swagat Hai. Mera Naam Mohd Zakaria Hai. Mai Uttar Pradesh, India Me Rehta Hun. Helpful Smart Book Par Mai Internet, Technology, Social Media, Blogging, Make Money Online, Aur Education, Aadi… Se Related Important Information¬† Share Karta Rehta Hun. Es Site Par Visit Karke Aap Apni Knowledge Badha Sakte Hai, Aur Bahut Sari Problems Ka Solution Bhi Pa Sakte Hai. Agar Aap ko Post Pasand Aaye, To Please Share Zaroor Kare.

3 Comments on “Blogging Kya Hoti Hai Blog Par Blogging Start Kaise Kare

Leave a Comment