Mobile Laptop Computer Ko Hang Hone Se Kaise Bachaye Kaise Roke


Mobile, laptop or computer ko hang hone se bachane ya rokne ki jankari : technology ke es dour me ham sabhi mobile, laptop or computer ko use karte hai. jab ham enhe use karte hai, to kabhi kabhi hame enko use karne me problems ko bhi face karna padta hai.

Mobile Laptop Computer Ko Hang Hone Se Kaise Bachaye Kaise Roke

Hamare mobile, laptop or computer me kab kyun kaise koei software ya hardware problem aa jaye, kaha nahi ja sakta. Agar ham safety se en electronic products ko use kare, to hame kam hi problems ko face karna padta hai. But, hanging problem ek aisi problem hoti hai, jo users ko sabse zyada pareshan karti hai. es post me main esi topic par baat karunga, aur bataoung ki apne mobile laptop or computer ko hanging problem se kaise bachaye.


Mobile Laptop Or Computer Ko Hang Hone Se Kaise Bachaye

Aaj ke time me mobile laptop aur computer hamari life ke important part ban chuke hai. koei bhi online work karna ho, ya social networking sites ko use karna ho to ham internet ko mobile, laptop or computer me use karte hai. Internet use karne ki wajha se en electronic products me hanging problem bhi hone lagti hai.

Eske alawa ek sath keaie program open karne se bhi hamara mobile, laptop or computer hang honge ya slow working karne lagta hai. esse hame bahut pareshani hoti hai, aur ham apna work sahi se nahi kar pate.


But, agar ham kuchh bato ko apne mind me rakhe to phir mobile computer laptop hang kyun hota hai, ya en ki hanging problem se kaise bachte hai jaisi bato ke bare me sochna nahi padega. Chaliye, jaan lete hai ki mobile laptop or computer ko hang hone se kaie rokte hai.

Laptop Or Computer Ko Hang Hone Se Kaise Roke

Ham apne computer or laptop ki jitni care karenge, wo outna better work karta rahega. Aur zara bhi laparwahi karenge to hamara system slow work ya hang hone lagenga. Laptop or computer hang hone ke kya kya reason hote hai, aur en se kaise bachte hai, aage mai esi bare me bata raha hun. Jinhe padh kar aap apne laptop or computer ko slow working or hanging jaisi problem se bacha sakte hai.

Best Antivirus Ko Use Kare

Agar ham ek laptop or computer user hai to hame best quality ke antivirus ko use karna sabse important hota hai. hamare system me kab, kaise, aur kahan se virus aa jata hai, pata nahi chalta. But, antivirus hamare laptop or computer ko virus protect karta hai. jisse ham apne system par sahi se work kar pate hai.

Kuchh log free antivirus ko use karna pasand karte hai, because ounke use karne me money spend nahi hoti. But aisa karna galat hai. kyuki free antivirus hamare system ko poori tarah se protection provide nahi karta.

Agar ham internet user hai, to hame apne laptop or computer me kisi paid antivirus ko hi use karna behtar hota hai. ye hamare system ko poori tarha se protect karta hai. free antivirus oun logo ke liye better rehta hai, jo users apne system me internet use nahi karte.

Top best antivirus koun koun se hai ? eske liye zyada sochne ki zaroorat nahi hai. because, avast, avira, avg, quick heal aur mcafee sabse best antivirus hai. jo hamare laptop or computer ko complete security provide karte hai.

Temporary File Ko Delete Aur Disk Clean Kare

Temporary file ko delete aur disk ko clean karna bahut zaroori hai. enki wajha se bhi hamara system slow work karne lagta hai, ya zyada time se temporary file ko delete aur disk ko clean na karne par laptop or computer bahut zyada hang hone lagta hai. esliye time to time hame apne system se temporary file ko delete aur disk ko clean karte rehna bhi zaroori hai.

Recycle Bin Ko Empty Rakhe

Ham jo koei file apne loptop or computer se delete karte hai, wo recycle bin folder me chali jati hai. agar ham bahut dino se es work ko kar rahe hai, to hamare system ke recycle bin folder me bahut sara data store ho jata hai. jisse hamare laptop or computer par over load padta hai, aur wo slow work ya hang hone lagta hai. esliye apne computer ke recycle bin folder me store data ko time to time delete karte rehna chahiye.

Unused Software Ko Delete Kare

Jin software ko aap apne laptop or computer me use nahi karte. Ounhe apne system se permanently uninstall / delete karde. Because, faltu ke software, hamare laptop or computer par bewajha ka load dalte hai. Zyada unused software ki wajha se hamara system slow work kar sakta hai. esliye enhe apne lapto or computer se uninstall karna hi better rehta hai.

Processor Ko Over Heat Hone Se Bachaye

Bahut der tak work karne se hamare laptop or computer ke cpu par load padta hai. aur processor zyada heat hone lagta hai. over heat hone ke baad laptop or computer chalte chalte band ho jata hai, slow work karne lagta hai, ya thodi thodi der ke baad automatically restart hone lagta hai.

Aga aap ka system over heat ho raha hai, to esse bachne ke liye apne laptop or computer ko thodi thodi der ke baad kuchh aram dete rahe. Aur zyada time tak internet chala kar online work na kare. Eske alawa apne laptop or computer ko tez dhoop me rakhkar bhi use na kare.

Browser Ki All History Ko Delete Kare

Bahut dino tak browsers ki history delete na karne par bhi hamara laptop or computer slow work karne aur hang hone lagta hai. chrome browser ho ya mozila firefox, time to time apne browser ki all history jaise browsing & downloading history, form & search history, cookies, cache, active logins, offline website data, aur site preferences etc… ko delete karte rahe.

Dhool Se Door Rakhe

Apne laptop or computer ko aisi jagah use na kare, jahan par dust bahut zyada ho. Regular apne laptop or computer ki safaei karte rahe. Dhool mitti ke kan andar jakar hardware ko nuksan pahuncha dete hai. jisse computer hang ho sakta hai.

Time To Time Service Karwaye

Hame apne laptop or computer ki har 6 month ya 1 year me ek baar service zaroor karwa leni chahiye. Agar ham thodi knowledge rakhte hai, to ye work ham khud bhi kar sakte hai. warna, service center me jakar karwa sakte hai. aisa karne se hamara laptop ya computer phir se new system ki tarah work karne lagta hai, aur ouske andar ki gandagi bhi door ho jati hai.

Software Ko Regular Update Karte Rahe

Ham jitne bhi software apne laptop or computer me use karte hai, time to time ounka new version aata rehta hai. jaise hi kisi software ka new version available ho, hame turant hi apne software ko update kar lene chahiye. Because, kisi software ke old version ko use karne par bhi wo slow work karne ya hang hone lagta hai.

Ek Time Me Zyada Program Or Tab Ko Open Na Kare

Agar hamare laptop or computer ki ram kam hai, to hame ek hi time me zyada program ko open nahi karna chahiye. Zyada program ko open karne se computer slow work karna start kar deta hai. Eske alawa, agar ham internet use kar rahe hai, to browser me bahut sari tab open na kare. Pehle ek page ko close kare aur phir doosre page ko open kare. Nahi to, hamara system hang ho sakta hai.

Ram Ko Badhaye

Jab ham apne laptop or computer me ek se zyada program open karte hai, to aksar hanging problem hone lagti hai. esse bachne ka ek hi oupaye hai, ki agar hamara work aisa hai ki hame baar baar ek sath kaei program / software ko open karna padta ho, to hame ram ko badha lena chahiye. Aur zyada bade size ki ram ko use karna chahiye.

Kyunki ham currently jo work apne laptop or computer me karte hai, wo sabhi ram me store hota rehta hai. esliye zyada software open karne par ram par load badh jata hai. aur over load ki wajha se program slow work karne lagte hai.

Hard Disk Ko Full Na Kare

Bahut se log aise bhi hote hai, jo apne hard disk me etne songs, movies aur videos aadi rakhte hai ki ounki hard disk full ho jati hai. aur zara bhi space nahi bachta. Eski wajha se bhi hamara laptop or computer hang ho sakta hai. esliye hamesha apni hard disk ko 70% se zyada kabhi bhi bharna nahi chahiye.

Mobile Ko Hang Hone Se Kaise Roke

Pehle log computer par internet zyada access kiya karte theh. But, aaj ke zamane me laptop or computer se zyada android mobile par internet zyada use kiya jata hai. zyada internet chalane aur big size ki application ke over load ki wajha se mobiles me bhi hanging problems hone lagi hai. but, neeche bataye gaye steps ko follow karke ham kafi had tak mobile ko hang hone se bacha sakte hai.

  • Mobile me antivirus ko use kare. Eske liye google play store se 360 security, avg, clean master, avast mobile security me se kisi ek antivirus ko zaroor use kare.
  • Jin application ko ham use nahi karte, oun unused apps ko mobile se uninstall karde. Agar apps inbuilt hai, aur uninstall nahi ho sakti, to ousko hide kare.
  • All application ko regular update karte rahe. Eske liye google play store apps me jakar check kar sakte hai. kisi bhi aps ka old version use na kare.
  • Internet use karne ke baad browser ki all history ko permanently delete kare. Esse bhi hanging problem ho sakti hai.
  • Agar mobile ki ram kam hai, to zyada apps install na kare. Aur big size ki apps jaise facebook, twitter, google plus, whatsapp, etc.. ko install karne se bache.
  • Mobile ki internel momory ko full na kare. Ousme 50% space zaroor rakhe. Songs, movies, aur other videos ko externel memory me hi save kare.
  • Android mobile ki setting > storage > cached data me jakar all cached data ko har 2-3 din me delete karte rahe.

Es tarah se ham apne mobile, laptop or computer ko hang hone se bacha sakte hai. big size ki apps aur internet use karne se aane vale virus ki wajha se mobile, laptop or computer me hanging aur slow work ki problem ab aam hoti ja rahi hai. es post me bataei steps ko follow karke ham kafi had tak apni device ko hang hone se bacha sakte hai.

I hope, es post ko read karne ke baad aap jaan gaye honge ki mobile, laptop or computer ko hang hone se kaise bachate hai.

Related Posts:

Hi, Everybody. Helpful Smart Book Me Aapka Swagat Hai. Mera Naam Mohd Zakaria Raza Hai. Mai Uttar Pradesh, India Me Rehta Hun. Helpful Smart Book Par Mai Internet, Technology, Social Media, Blogging, Make Money Online, Aur Education, Aadi… Se Related Important Information  Share Karta Rehta Hun. Es Site Par Visit Karke Aap Apni Knowledge Badha Sakte Hai, Aur Bahut Sari Problems Ka Solution Bhi Pa Sakte Hai. Agar Aap ko Post Pasand Aaye, To Please Share Zaroor Kare.

1 Comment on “Mobile Laptop Computer Ko Hang Hone Se Kaise Bachaye Kaise Roke

  1. बहुत महत्वपूर्ण जानकारी दी है।
    धन्यवाद….

Leave a Comment