Top Best Aur Most Popular Free WordPress Plugins Koun Koun Se Hai


Top, Best aur most popular free wordpress plugins ki jankari – agar aap ek wordpress user hai, to plugins ke bare me jante hi honge. Agar nahi jante to ‘wordpress plugins kya hai, blog website me free plugins ko use kaise kare’ post ko padh kar aap detail se eske bare me jaan sakte hai.

Top Best Aur Most Popular Free WordPress Plugins Koun Koun Se Hai

Es post me mai aapko self hosted platform wordpress.org par available top best aur most popular free wordpress plugins ke name aur ounke work ke bare me bataounga. Jinko wordpress users regular use karte hai.


WordPress platform par bane apne blog website ko attractive, secure, fastest, lightweight, seo friendly, aur user friendly banane ke sath sath unlimited features add karne ke liye hame plugins ka use karna hi padta hai.

Hame requirements ke according apni site me different types ke features ko add karna padta hai. Aur different types ke feature ko add karne ke liye hame different plugins ko use karna padta hai. 1 hi plugin se ham wordpress site me all features ko add nahi kar sakte.


Esliye es post me mai aapko oun sabhi free wordpress plugins ke name aur ounke work ke bare me bataounga, jinki zaroorat ek wordpress user ko sabse zyada padti hai. Agar aap apni site ko wordpress ke self hosted platform par run karte hai, to es post ko carefully read kare.

Kyuki es post me ham baat karenge ki.. top best aur most popular free wordpress plugins koun koun se hai? Top best aur most popular free wordpress plugins ke work kya kya hai?

Agar ham Google ke free platform blogger.com par apni site banakar blogging kare, to hame blogger blog me features add karne ke liye coding karne ki zaroorat padti hai. Es coding work ko karne me new bloggers ko bahut problems face karni padti hai. Kyuki ounhe starting me coding knowledge nahi hoti.

Lekin agar ham self hosted platform wordpress.org par apni site banakar blogging kare, to hame wordpress blog website me features add karne ke liye coding ki zaroorat nahi padti. Kyuki ham maximum features ko free wordpress plugins ki help se hi apni site me add kar sakte hai.

Top Best Aur Most Popular Free WordPress Plugins Koun Se Hai Aur Ounke Work Kya Hai

Agar aap ek wordpress user hai, aur coding ke bare me zyada knowledge nahi rakhte. To aap apni site par requirement ke according free wordpress plugins ko use karke unlimited features add kar sakte hai. Har ek plugin ko different features ko add karne ke liye banaya gaya hai. Chaliye jante hai ki.. most popular free wordpress plugins koun se hai, aur kis kaam ke liye kis plugin ko use kiya jata hai.

Yoast Seo – es plugin ki help se ham apni site ki all SEO setting setup kar sakte hai. Lagbhag sabhi wordpress users yoast seo plugin ko apni apni site par use karte hai. Kyuki yoast seo plugin ki help se ham website name aur description ko edit, webmaster tools ( google, bing, yahoo ) ke verification code ko verify, title and meta setting, xml sitemap ko automatically generate, robot.txt file aur .htaccess file ko edit etc.. kar sakte hai.

Ad Injection – es plugin ki help se ham apni site ke posts, pages, header, footer, sidebar, aur home page par ads show kara sakte hai. Aur advertisements ke top bottom me space bhi de sakte hai. Eske alawa post me random ad bhi set kar sakte hai. Jo automatically apne hisab se jahan zaroorat hoti hai, wahan show hote hai.

Ad Inserter – es plugin ko bhi apni wordpress site me advertisements show karane ke liye use kiya jata hai. Maximum wordpress user esi plugin ki help se apni apni site me advertisements lagate hai. Kyuki ad inserter plugin ki help se ham before post, before content, before paragraph, after paragraph, after content, after post, before excerpt, after excerpt, between posts, after comments, before comments, between comments, footer, before html element, after html element, ads laga sakte hai.

Akismet Anti-Spam – jaise jaise ham apni site par post karte jate hai. Waise waise hamari site par spam traffic bhi increase hota jata hai. Aur hame apni wordpress site par bahut sari comments receive hone lagti hai. Enme se maximum comments spam hoti hai. En spam comments ko filter karne ke liye hame ‘akismet anti-spam’ plugin ko use karna padta hai.

Es plugin ko use karne ke baad original comments se spam comments filter hokar spam folder me save ho jati hai. Jinhe ham baad me permanently delete bhi kar sakte hai.

Autoptimize – es plugin ki help se ham html codes, javascript codes, aur css codes ko automatically optimize karke apni site ki speed ko boost kar sakte hai. Eske alawa ham autoptimize plugin ki help se query strings, emojis, aur google fonts ko apni site se remove kar sakte hai. Apne blog or website ki loading speed ko fast karne ke liye autoptimize ek best plugin hai.

Google Analytics Dashboard for WP – Google analytics dashboard ko apne wordpress blog dashboard me show karne ke liye es  plugin ka use kiya jata hai. Google analytics dashboard for wp plugin ko apni site me use karne ke baad hame visitors ki information pane ke liye baar baar google analytics ki website par visit karna nahi padta.

Kyuki, phir wordpress dashboard me hi hame session, users, page views, bounce rate, organic search, page/session, time on page, page load time, session duration, locations, pages ( organic, direct, referral, social), referrers ( organic, direct, referral, social), searches, Traffic ( traffic mediums, visitor type, search engines, social networks ), Technology ( mobile, desktop, tablet) aur 404 errors ki complete information mil jati hai.

Similar Posts – bahut sari wordpress themes aisi hoti hai, jinme har ek posts ke last me related posts ko show karne ka feature available nahi hota. Jo site owners aisi themes ko use karte hai, ounhe apne blog website ki sabhi post ke neeche automatically related posts ko show karne ke liye similar posts plugin ko use karna padta hai.

Related posts ko all posts ke bottom me show karne ke liye ye sabse best plugin hai. Eski help se ham kitni posts ko show karni hai, tag se related posts show karni hai ki nahi, categories se related posts show karni hai ki nahi, etc.. setting ko setup kar sakte hai.

Simple Author Box – jin sites ki theme me every post ke bottom me automatically author box ko show karne ka feature nahi hota. Aisi sites par simple author box plugin ko use kiya jata hai. Es plugin ki help se ham apni site ki  all posts ke neech author box ko add kar sakte hai. Aur manually bhi apne blog website ke kisi bhi part me author box ko show kar sakte hai. Eske alawa author box ke bottom me admin email aur social follow buttons ko bhi add kar sakte hai.

Smush Image Compression and Optimization – es plugin ki help se ham apni site par upload hone wali all images or photos ko quality loss ke bina automatically compressed kar sakte hai. Jisse images or photos ka size, original size se kam ho jata hai. Aur hamari site fast loading hone lagti hai.

Wp Fastest Cache – apni site se cache delete karne ke liye wp fastest cache sabse best free wordpress plugin hai. Jis se ham single click me apni site ke all cache ko delete kar sakte hai. Jab ham koei post page ko publish ya update karte hai, to ousme kuchh cache file aa jati hai. Wp fastest cache plugin oun cached files ko turant hi delete kar deta hai.

Wp Optimize – apni site ke content ko optimize karne ke liye wp optimize plugin ka use kiya jata hai. Es plugin ki help se ham Database tables ko optimize kar sakte hai. All post revisions, all auto draft posts, all trashed posts, post meta deta, comment meta data, orphaned relationship data ko clean kar sakte hai. Spam and trashed comments, unapproved comments, expired transient options, pingback, trackbacks etc.. ko remove kar sakte hai.

Wps Hide Login – es plugin ko use karke ham apne wordpress site ke original login address ko hide kar sakte hai. Aur ouski jagah ek new login address create kar sakte hai. Aisa karna, hamari site ko hackers se bachata hai. Kyuki maximum hackers hamare wordpress blog website ko hack karne ke liye sabse pehle login address ka hi use karte hai.

AddtoAny Share Buttons – social share buttons aur social media buttons ko apni site me add karne ke liye add to any share buttons plugin ka use kiya jata hai. Es plugin ki help se ham apni wordpress site ki all posts aur pages ke top and bottom me social share buttons (facebook, twitter, google plus, linkedin, pinterest, whatsapp, etc.. ) ko add kar sakte hai. Aur site ke kisi bhi part (header, footer, sidebar, etc.. ) me social media buttons ko bhi add kar sakte hai.

Child Theme Configurator – agar aap se manually child theme ko create karna nahi aata. To aap child theme configurator plugin ki help se apni site ki kisi bhi parent theme ki child theme ko easily create kar sakte hai. Hame apni site par kisi bhi theme ki parent theme ko use na karke ouski child theme create karke use karna zaroori rehta hai. Aisa karne se parent theme ko update karne par child theme me ki gaei extra coding remove nahi hoti.

Contact Form 7 – es plugin ki help se ham apne wordpress blog website ke kisi bhi part, pages, posts me contact form ko show kar sakte hai. Hame contact form ko apni site me esliye add karna padta hai, jisse site ke readers aur visitors admin se contact kar sake.

Crayon Syntax Highlighter – wordpress site ki kisi bhi posts aur pages ke andar code box ko add karne ke liye crayon syntax highlighter plugin ka use kiya jata hai. Code box ko add karne ke liye ye plugin sabse best hai. Ham apni copy protect site ke bhi kisi post and page me es plugin se code box ko add karke, code box ke content ko readers or visitors se copy karwa sakte hai.

Jetpack by WordPress.com – traffic details aur traffic sources ka pata karne, email subscription widget ko add karne, theme ko mobile friendly banane, website down hone par notification pane, social networking sites ke account ko use karke visitors or readers se comments karwane, aur new posts ko social networking sites par automatically publish karne etc.. ke liye jetpack plugin ko use kiya jata hai.

Limit Login Attempts – limit login attempts plugin kisi wordpress site ko hack hone se bachane ke liye sabse best plugin hai. Kyuki es plugin ki help se ham limit login attempts ko set kar sakte hai. Agar koei other person hamare wordpress blog website me login karne ki koshish karta hai, aur kaei baar wrong password enter kar deta hai. To hamare through set ki gayi attempts  limit ko cross karte hi ous person ka ip address automatically block ho jata hai. Phir wo hamari wordpress site ke dashboard me kabhi bhi login nahi kar sakta.

Q2W3 Fixed Widget – es plugin ki help se ham apni site ke kisi bhi widget ko apni jagah par fix kar sakte hai. Jiske baad page ko up down karne par hame fix kiya huwa widget regular show hota rehta hai. Aksar site owner sidebar ke kisi widget ko fix karne ke liye q2w3 fixed widget plugin ka use karte hai.

Redirection – agar ham kisi post ka link change kar dete hai, to old link ko new link par redirect karne ke liye hame redirection plugin ka use karna padta hai. Kyuki post ke old link ko agar hamne kahin share kiya huwa hoga to phir visitors ko link open karne me koei error show nahi hota. Aur readers new link par easily redirect ho jate hai.

Search and Replace – agar hame apni site ke data base se koei special word ya post and page link ko find karke ouski jagah kisi other word ya link ko add karna ho, to aisa ham search and replace plugin ki help se easily kar sakte hai.

Simple Css – jo site owners apne wordpress blog or website me parent theme ki child theme create karke use nahi karte. Ounko site ki designing ke liye css codes ko simple css plugin ki help se add karna padta hai. Jiski wajha se theme ko update karne ke baad bhi site ki designing remove nahi hoti.

TinyMCE Advanced – wordpress platform par post editor me content ke font size aur font name ko change karne ka option nahi hota, ham only heading ke font size ko hi change kar sakte hai. Post content ke font size aur font name ko change karne ke liye tinymce advanced plugin ko use kiya jata hai.

UpdraftPlus WordPress Backup plugin – apne wordpress blog website ka regular backup lena bahut zaroori hota hai. Agar ham aisa nahi karte, to hackers hamari site ko hack karke all content ko permanently delete kar sakte hai. Phir ham Backup na hone ki wajha se apni site ke content ko kabhi bhi recover nahi kar sakte.

Esliye maximum bloggers apni wordpress site ka backup lene ke liye updraft plus wordpress backup plugin ko use karte hai. Es plugin ki sabse achchhi baat ye hai ki updraft plus wordpress backup plugin se ham apni site ke backup ko manually apne system me download karne ke alawa cloud storage ( google drive, dropbox, one drive, etc..) par bhi automatically store kar sakte hai.

Wordfence Security – kabhi kabhi kuchh site owners ko apne visitors ke ip address ka pata karne ki zaroorat padti hai. Jiske liye we internet par ‘site par aaye visitors or readers ka ip address pata kaise kare’ jaise question type karke search karte rehte hai.

Aise site owners ke liye apne wordpress blog website par wordfence security plugin ko use karna better rehta hai. Kyuki es plugin ki help se ham apni kisi bhi site par aaye visitors ke ip address ka pata kar sakte hai. Eske alawa wordfence security plugin ki help se ham apni site ko hackers se bacha sakte hai, aur site ki files, folders, theme aur plugins ko scan karke firewall aur malware ka pata laga sakte hai.

Wp CopyProtect – apni site ke content ko copy ya chori hone se bachane ke liye wp copy protect plugin ko use kiya jata hai. Kuchh new bloggers ko maloom nahi hota ki kisi site ke content ko copy karke apni site par publish karne se nuksan hi hota hai, aur koei fayda nahi hota.

Esliye others blog or website ke content ko copy karke apni site par publish karte rehte hai. Aise logo se apni site ke content ko copy aur chori karne se bachane ek liye wp copy protect plugin sabse best hai.

Wp hide Post – agar koei site owner apni kisi post ko apni site se hide karna chahe, to wo wp hide post plugin ki help se kar sakta hai. Es plugin ko use karke ham kisi bhi post and page ko apni site ke home page, categories page, tag page, aur search page se hide kar sakte hai.

Wp Subscribe – apne blog or website ke subscribers increase karne ke liye hame feedburner feed par account banane ke baad apni site par email subscription box ko add karna padta hai. Jiske baad new post ki notification pane ke liye readers and visitors hamari site ko apne apne email address ke through verify karke subscribe karte hai. Es email subscription box ko apni wordpress site me add karne ke liye hamem wp subscribe plugin ko use karna padta hai.

Ye theh self hosted platform wordpress ke top best aur most popular free wordpress plugins. Jinko use karke ham easily apni site ko fastest, secure, lightweight, attractive, user friendly, seo friendly, aur mobile friendly bana sakte hai.

I hope, es post ko read karne ke baad aap jaan gaye honge ki.. Top best aur most popular free wordpress plugins koun koun se hote hai. Top best aur most popular free wordpress plugins ke work kya kya hote hai.

Related Posts:

Hi, Everybody. Helpful Smart Book Me Aapka Swagat Hai. Mera Naam Mohd Zakaria Raza Hai. Mai Uttar Pradesh, India Me Rehta Hun. Helpful Smart Book Par Mai Internet, Technology, Social Media, Blogging, Make Money Online, Aur Education, Aadi… Se Related Important Information  Share Karta Rehta Hun. Es Site Par Visit Karke Aap Apni Knowledge Badha Sakte Hai, Aur Bahut Sari Problems Ka Solution Bhi Pa Sakte Hai. Agar Aap ko Post Pasand Aaye, To Please Share Zaroor Kare.

Leave a Comment