WordPress Platform Par Blog Website Banane Ke Fayde Kya Hai


WordPress.org platform par blog banane ke fayde ki poori jankari : jitne bhi bade bloggers hote hai, ounme se adhiktar wordpress.org platform par hi apna blog ya website banana pasand karte hai. kyuki es platform par ounhe jo suvidha mil sakti hai, wo kisi aur par nahi mil sakti. Es platform par blog banane ke liye hame domain name aur web hosting ki zaroorat hoti hai. jinhe ham hostgator, bluehost, aur godaddy jaisi famous companies se khareed sakte hai.

WordPress.org Platform Par Blog Banane Ke Fayde Kya Hai

Jab ham apna blog blogger.com ya wordpress.com par banate hai. to yahan hame apne blog ko manage karne ke liye poori aazadi nahi milti. Aur ham apne blog par limited features ka hi use kar pate hai. Lekin self hosted wordpress.org ek aisa platform hota hai. jis ke ham khud malik hote hai. aur blog ko manage karne ka poora control sirf hamare hath me hota hai. yahan par hame unlimited features milte hai. jinka use karke ham apne blog ko har tarike se behtar bana sakte hai.


agar aap ke man me bhi ye baat rehti hai ki sabhi bade bloggers apna blog self hosted wordpress platform par hi kyun banate hai. to es question ka answere janne ke liye es post ko carefully padhte rahiye. kyuki es post me mai aap ko wordpress.org platform par blog banane ke fayde bataounga.

WordPress.org platform par blog banane ke kya fayde hote hai

Agar ham ek simple blog apne shok ke liye banana chahte hai, to hamare liye blogger.com sabse best option hai. lekin agar ham apna blog online business karne aur blogging me career banane ke liye banana chahte hai to eske liye hame wordpress.org platform ka use karna hi behtar hota hai.


kyuki es par hame unlimited features milte hai. yahi wajah hai ki blogging karne ke liye wordpress bahut popular platform hai. eski popularity ka andaza aap esi baat se laga sakte hai ki es poori duniya me jitni bhi websites aur blogs hai, ounme se lagbhag 25 percent wordpress.org platform par hi banaye gaye hai.

self hosted wordpress.org platform par blog banane ke hame bahut fayde milte hai. jinme se kuchh important benefits ko mai es post me bata raha hun.

Cpanel par single click me wordpress ko install kar sakte hai

Jab ham kisi hosting provide karwane wali company se hosting lete hai. to wo hame email ke through ek cpanel ke link ke sath username aur paasword deti hai. jiske baad ham apne control panel me login karke kuchh hi seconds me apne cpanel par single click me wordpress ko install kar sakte hai. wordpress ko install karte hi hamara blog ban jata hai.

Top level custom domain name ka use kar sakte hai

wordpress.org platform par blog banate time hame .blogspot.com ya .wordpress.com jaisa subdomain nahi milta. es platform par ham apne favorite domain name (ex- www.helpfulsmartbook.com) ko add kar sakte hai. eski wajah se hamra blog ek professional blog nazar aata hai.

zaroorat ke hisab se hosting ka use kar sakte hai

wordpress.org platform par hame limited hosting nahi milti. Ham apne blog ke load aur ouspar ho rahe pageview ke hisab se kitna bhi bada ya chhota hosting plan lekar apne blog ko ousme host kar sakte hai.

themes ka use kar sakte hai

wordpress.org platform par banaye gaye blog ko design karne ke liye hame themes ka use karna padta hai. free aur paid dono tarah ki themes hoti hai. ham apne blog ke design ke hisab se theme ko select kar sakte hai. aur ese badi aasani se apne blog me add kar sakte hai.

plugins ka use kar sakte hai

doosre blogging platform ki tarah wordpress.org platform par blog ko manage karne ke liye code ki zaroorat bahut kam padti hai. plugins ke through hi ham apne blog ko manage aur esme unlimited widget add kar sakte hai.

blog ki setting kar sakte hai

wordpress.org platform par blog banane ke baad hamara apne blog par poora control hota hai. ham zaroorat ke hisab se apne blog ke kisi bhi function ki setting kar sakte hai.

blog post seo friendly hoti hai

worpress.org platform par blog banakar jab ham espar  post publish karte hai, to hamari post search engine me jaldi show hoti hai. jab ki doosre platform par banaye gaye blog ki post ko search engine me show hone me time bhi lag sakta hai.

blog mobile friendly hote hai

wordpress.org platform par banaye gaye blog mobile friendly hote hai. aur ye mobile par badi aasani se open ho jate hai. jiski wajah se kisi bhi readers ko apne mobile par blog post read karne me koi pareshani nahi hoti.

comments edit kar sakte hai

wordpress.org  platform par banaye gaye blog ki post par jab koi reader comment karta hai, to ous comment ko approve karne se pehle ya baad me edit bhi kar sakte hai.

customer support milta hai

agar hame apne blog ko manage karne me koei pareshani aa rahi hai. to ham apne hosting provider company ke call center me call karke help le sakte hai.

data delete hone ka khatra nahi hota

WordPress.org platform par blog banane ke baad hame apne data ke delete hone ka khatra nahi rehta. Ham khud hi apne data ko delete kar sakte hai.

Hosting provider company ko change kar sakte hai

Hamne jis hosting provider company se hosting le kar apna blog banaya hai, agar hame ouski service pasand na aaye to ham apni hosting provider company ko change bhi kar sakte hai.

Data ka backup le sakte hai

Hame apne blog ke data ka regular backup lena zaroori hota hai. wordpress.org platform par banaye gaye blogs ka ham easily backup le sakte hai. aur yadi hame apni hosting provider company ko change karna pade to hum doosri company ke server me apne data ko import kar sakte hai.

Professional custom Email address bana sakte hai

WordPress.org platform par blog banane ke liye ham jis company se custom domain name khareedtee hai. wo company hame custom domain name ke sath sath free me kuchh professional custom email address banane ki suvidha bhi deti hai. ham apne blog ke liye admin@helpfulsmartbook.com ke jaisa professional custom email address bana sakte hai.

Ham khud hi ads laga sakte hai

Bahut se blogging platform aise hote hai. jo blog admin ki bina marzi ke apne add dikhate rehte hai. wordpress.org platform ounme se nahi hai. yahan ham apni marzi se hi kisi add company ke add dikh sakte hai.

Income kar sakte hai

WordPress.org platform par ham ek professional blog banakar ous par popular add company jaise google adsense, infolinks, aur chitika, aadi ke add lagakar income bhi kar sakte hai. na jane kitne bloggers aisa kar bhi rahe hai.

To ye theh wordpress.org platform par blog banane ke kuchh important fayde. Enke alawa bhi es platform ke bahut fayde hote hai. ham jaise jaise esko use karte rehte hai, waise waise hi hame eske doosre fayde bhi nazar aate rehte hai.

Finally, es post me hamne jana ki wordpress platform par blog banane ke kya kya fayde hote hai. agar aap ye janna chahte hai ki blogger.com par blog banane ke kya fayde hote hai to ye post padhe : blogger par blog banane ke kya kya fayde hote hai.

Related Posts:

Hi, Everybody. Helpful Smart Book Me Aapka Swagat Hai. Mera Naam Mohd Zakaria Raza Hai. Mai Uttar Pradesh, India Me Rehta Hun. Helpful Smart Book Par Mai Internet, Technology, Social Media, Blogging, Make Money Online, Aur Education, Aadi… Se Related Important Information  Share Karta Rehta Hun. Es Site Par Visit Karke Aap Apni Knowledge Badha Sakte Hai, Aur Bahut Sari Problems Ka Solution Bhi Pa Sakte Hai. Agar Aap ko Post Pasand Aaye, To Please Share Zaroor Kare.

2 Comments on “WordPress Platform Par Blog Website Banane Ke Fayde Kya Hai

  1. Zakariya bhai mai blogger pr hu wordpress pe import krna chahta hu wordpress pr aane se
    1- kya traffic increas hota hai
    2- 100 dollar per month easily earn kia jaa sakta hai.

Leave a Comment