WordPress Plugins Kya Hai Site Par Free Plugins Ko Use Kaise Kare


WordPress plugins ke bare me aur apne blog website par free wordpress plugins ko install, activate aur use karne ke bare me jankari – blogging karne ke 2 platform sabse best hai. Jinme se 1st goggle ka blogger platform hai, jo ki free hai. Aur 2nd self hosted wordpress platform hai, jo ki paid hai.

Wordpress Plugins Kya Hai Site Par Free Plugins Ko Use Kaise Kare

Blogger platform ko use karne, access karne, aur widgets etc.. ko add karne ke liye hame coding karne ki zaroorat padti hai. Lekin wordpress platform par par ham coding ke alawa bahut se work plugins ki help se bhi karne padte hai.


Esliye ek wordpress user ko plugins ke bare me achchhi knowledge honi chahiye. Aur wordpress plugins ko use kaise kare ke bare me pata hona chahiye. Plugins ko use kiye bina ham self hosted platform wordpress par create kiye apne blog website ko user friendly, seo friendly, fast loading, secure, aur attractive nahi bana sakte.

Agar aap plugins ke bare me detail se janna chahte hai, to es post ko carefully read kare. Aage ham janege ki.. wordpress plugins kya hai? WordPress plugins ko use karne ke kya benefits hai? WordPress ke free plugins ko install activate aur use kaise Kare? WordPress platform ke top best aur popular free plugins koun koun se hai?


WordPress Plugins Kya Hai

Jis tarah se ham alag alag work ko karne ke liye apne computer laptop me software ko use karte hai, aur apne android mobile me application ko use karte hai. Theek ousi tarah se wordpress platform par banaye gaye blog website par alag alag features ke liye hame plugins ko use karna padta hai.

WordPress plugins bhi software ki tarah hi hote hai. Jinhe php programming language me create kiya jata hai. Self hosted platform wordpress par kisi bhi plugin ko use karne ke liye, hame pehle ous plugin ko install karna padta hai. Install hone ke baad activate karke ham kisi bhi plugin ko use kar sakte hai.

WordPress plugins ko kabhi bhi install aur activate kiya ja sakta hai. Aur zarurat padne par kabhi bhi deactivate aur delete bhi kiya ja sakta hai. Eske bare me full information pane ke liye aap “wordprss plugins ko upload, install, activate, deactivate aur delete kaise kare” post ko read kar sakte hai.

WordPress Platform Ke Free Plugins Ko Install, Activate Aur Use Kaise Kare

WordPress platform par banaye gaye blog website ko SEO friendly, user friendly, advertisements placement setup, attractive, lightweight, fastest, aur more features add karne ke liye hame free or paid plugins ka use karna padta hai.

Normally, hamare sare work free plugins se hi ho jate hai. Esliye maximum site owners free plugins ko hi use karte hai. Kyuki wordpress platform par unlimited free plugins available hai. Jinko use karne ke liye hame 1 paisa bhi kharch karna nahi padta.

Esliye es post me main aap logo ko wordpress platform ke free plugins ko install, activate aur use karna bata raha hun. Chaliye jante hai eske bare me..

Step 1. Add New Plugin

  1. Kisi bhi plugin ko apne blog website par use karne se pehle hame ouse install karke activate karna padta hai. Jiske liye sabse pehle blog dashboard ke left side me show ho rahe ‘plugins’ ke option par apne mouse ke courser ko le jaye. Courser ko le jate hi ek popup window open hogi. Jisme hame installed plugins, add new aur editor ke option show honge.
  2. En options me se ‘add new’ ke option par click kare. Click karte hi ‘add plugins’ ka page open hoga. Jis par hame 1 search box show hoga.

Step 2. Search Plugin

  1. Aap jis plugin ko apni wordpress site par use karna chahte hai, ouska name search box me type kare. Aur computer keyboard se enter button press karke plugin ko search kare. Computer keyboard se enter button press karte hi aapke samne plugin show hoga. Aur plugin ke samne ‘install now’ ka button bhi available hoga.
  2. Plugin ko install karne ke liye ‘install now’ ke button par click kare. Install now ke button par click karte hi installation start ho jayegai. Aur ye process kuchh hi seconds me complete ho jayega. Plugin install hone ke baad hame ‘install now’ button ki jagah ‘activate’ button show hoga.

Step 3. Activate Plugin

Plugin ko activate karne ke liye ‘activate’ button par click kare. Click karte hi hamari wordpress site par plugin activate ho jayega. Aur ham automatically installed plugins ke page par pahunch jayenge.

Step 4. Plugin Setting

  1. Installed plugins ke page par aapko wo plugin show hoga. Jisko aapne install + activate kiya hai.
  2. Plugin ke neeche ‘settings’ ka option bhi show hoga. Jis par click karke ham plugin ki setting ko apne hisab se change kar sakte hai.

Es tarah se ham wordpress platform par available unlimited free plugins me se kisi bhi plugin ko install, activate aur use kar sakte hai. Aur apne blog website ko user friendly, seo friendly, lightweight, fastest, secure aur attractive bana sakte hai.

WordPress Plugins Ke Fayde Kya Kya Hai

WordPress ke all features ko apne blog or website me add karne ke liye ham kisi ek plugin ko hi use nahi kar sakte. Alag alag feature ko apni site me add karne ke liye hame alag alag plugins ko use karna padta hai. Neech mai kuchh important plugins ke name aur ounke benefits bata raha hun.

  1. Yoast Seo – blog post ka search engine optimization kar sakte hai.
  2. Jetpack – site secure, image optimize, aur traffic details check kar sakte hai.
  3. Akismet – spam comments ko filter kar sakte hai.
  4. Wp Super Cache – cache delete kar, site ki speed ko boost kar sakte hai.
  5. Contact Form 7 – contact form ko add kar sakte hai.
  6. Ad inserter – blog website me kahin bhi advertisements laga sakte hai.
  7. Add to any share buttons – social share buttons aur social follow buttons ko add kar sakte hai.
  8. Autoptimize – wordpress site ko optimize kar, fastest or lightweight bana sakte hai.
  9. Crayon syntax highlighter – post me code box ko add kar sakte hai.
  10. Google analytics dashboard for wp – google analytics ko wordpress dashboard me show kar sakte hai.
  11. Limit login attempts – limit login attempts ko set kar sakte hai.
  12. Redirection – ek post ko doosri post par redirect kar sakte hai.
  13. Q2W3 fixed widget – kisi bhi widgets ko fix kar sakte hai.
  14. Search and Replace – all site se kisi bhi word ko search karke, ouski jagah doosre word ko replace kar sakte hai.
  15. Similar posts – post se related other posts ko post bottom me show kar sakte hai.
  16. Simple Author Box – author box ko site ke kisi bhi part me add kar sakte hai.
  17. TinyMce advanced – post ke font size aur font name ko change kar sakte hai.
  18. W3 total cache – site cache ko automatically delete kar sakte hai.
  19. Wordfence – site ki security ko high kar sakte hai. Aur visitors ka ip address pata kar sakte hai.
  20. Wp copy protect – post content ko chori hone se bacha sakte hai.
  21. Wp fastest cache – 1 click me site ke all caches ko permanently delete kar sakte hai.
  22. Wp hide post – kisi bhi post ko apni site se hide kar sakte hai.
  23. Wp optimize – site content ko automatically aur manually optimize kar sakte hai.
  24. Wp smush – site images ki quality loss kiye bina ounka size automatically kam kar sakte hai.
  25. Wp subscribe – site me kahin bhi email subscription box ko add kar sakte hai.
  26. Wps hide login – wordpress login url ko change kar sakte hai.

Ye theh, wordpress platform par available  kuchh top, best aur popular free plugins. Jinko use karke ham apni site ko fastest, lightweight, seo friendly, user friendly, attractive aur secure bana sakte hai.

Apni site ko high rank dilane ke liye kisi bhi wordpress user ko apne blog or website par plugins ko use karna hi padta hai. Enko esi purpose se banaya gaya hai ki wordpress users apni site me apni requirements ke according unlimited features ko add kar sake.

Maximum plugins completely free hote hai. But kuchh plugins ke free version me limited features hi available hote hai. All features ko use karne ke liye hame oun plugins ke paid version ko purchase karna padta hai.

Agar aap wordpress plugin ko use karne ki complete knowledge rakhte hai, to aap ounke free version se bhi apna kaam chala sakte hai. Lekin paid version ko purchase karke aap extra features ke sath sath support bhi pa sakte hai.

Kisi bhi WordPress plugin ko use karne se pehle ouske bare me complete information le leni chahiye. Kyuki kuchh plugins to aise hote hai. Jo install + activate karte hi apna work karna start kar dete hai. But, kuchh plugins aise bhi hote hai, jinse properly work karane ke liye, ounki manual setting karni padti hai.

Wrong aur incomplete setting karne par plugins ke negative effects hamari site par pad sakte hai. Aur helpful hone ki bajaye, plugins hamari site ke liye harmful ho sakte hai. Esliye kisi bhi plugin ko use karne se pehle, ouski setting karne ki full information le leni chahiye.

I hope, es post ko read karne ke baad aap jaan gaye honge ki wordpress plugins kya hote hai. Wordprss platform ke free plugins ko install, activate aur use kaise karte hai. WordPress platform ke top, best aur popular plugins ke fayde kya hote hai.

Related Posts:

Hi, Everybody. Helpful Smart Book Me Aapka Swagat Hai. Mera Naam Mohd Zakaria Raza Hai. Mai Uttar Pradesh, India Me Rehta Hun. Helpful Smart Book Par Mai Internet, Technology, Social Media, Blogging, Make Money Online, Aur Education, Aadi… Se Related Important Information  Share Karta Rehta Hun. Es Site Par Visit Karke Aap Apni Knowledge Badha Sakte Hai, Aur Bahut Sari Problems Ka Solution Bhi Pa Sakte Hai. Agar Aap ko Post Pasand Aaye, To Please Share Zaroor Kare.

Leave a Comment